रेडियो नेपालसँग सञ्चार मन्त्रालयले माग्यो स्पष्टीकरण

साउन १७, काठमाडौँ । नागरिक दैनिकले आफ्नो स्वामित्वमा रहेको जग्गा भाडामा दिएर दुरुपयोग गरेको सम्बन्धमा सञ्चार मन्त्रालयले रेडियो नेपालसँग स्पष्टिकरण मागेको खबर छापेको छ ।

 

ललितपुरको खुमलटारस्थित रेडियो नेपालको स्वामित्वमा रहेको १ सय ६० रोपनी जग्गा निजी कम्पनीलाई भाडामा दिएको र सो जग्गामा अवैध संरचना निर्माण हुन थालेको समाचार नागरिक दैनिकमा प्रकाशित भएपछि बुधबार स्पष्टिकरण मागेको हो ।

 

मन्त्रालयका उपसचिव राजन पौडेलले दुई दिनभित्र जवाफ आउने गरी रेडियो नेपालसँग स्पष्टीकरण मागेको बताए । ‘सरकारी जग्गा दुरुपयोग गरी निर्णयविपरीत काम भयो भन्ने खबर बाहिर आएपछि मन्त्रालयको ध्यानाकर्षण भएको छ,’ उनले भने, ‘रेडियो नेपालको आधिकारिक धारणा आएपछि यसबारे के गर्ने भन्ने टुंगो लाग्छ ।’

0
Shares